De todo un pouco

Xa chegou o final

2007-06-14T11:28:00.000Z

Quedan poucos días para rematar o curso e que comece o verán, aínda que aún quédannos catro exames por facer, pero xa son máis relaxados. A verdade e que temos ganas de que cheguen as vacacións e de rematar, a pena é que moitos da nosa clase iranse para facer un ciclo medio e non voltaremos a velos no instituto, pero esperamos velos fóra.
Outra das cousas que vamos botar de menos é o noso blog; Sonia e eu temos pensado seguir escribindo nel aínda que moitas das entradas que fagamos seguramente xa non serán compartidas, pois xa non teremos ésta clase.
Ámbalas dúas pensamos que foi unha boa experiencia, xa que compartimos convosco os nosos gustos e opinións.
Esperamos voltar a escribiros cedo e que vós sigades acudindo ó noso blog cando queirades!

Unha actividade en común

2007-05-21T08:47:00.000Z

Unha das actividades que temos en común é a hípica.
A ambas as dúas gustáronnos dende sempre os cabalos, e un día falando do tema decidimos apuntarnos a clases de equitación no centro ecuestre de Pinteño .
Levamos case dous meses indo os domingos durante unha hora, acompañados dunha monitora ou dun monitor (que é o propietario do picadeiro).
Normalmente déixante elixir o cabalo que queiras, pero depende moito do que saibas e se están libres ou non.
As clases distribúense así: ó principio da hora levas o cabalo a paso para acostumarte a el, despois cambias e lévalo ó trote (pode ser sentado ou levantado, segundo o indique a profesora) e por último déixante estar o resto da clase a galope, que é o que máis soe gustar.
Ó rematar ás clases, acompañados pola monitora, imos dun en un gardando os cabalos e ensínannos a quitarlles a sela e a cabezada e levalos ós establos.
Unha cousa moi graciosa é que cada cabalo ten o seu propio nome: o que leva Sonia chámase Lanzarote e o meu, Sheila. Tamén hai outros como Elvis, Pipilín, Reina, Flecha...
Este verán esperamos que nos deixen saír ó campo, pero ten que haber profesores dispostos a acompañarnos.

Canarias

2007-03-19T10:10:00.000Z

A viaxe de fin de curso á illa das Palmas de Gran Canarias foi moi divertida. Cando chegamos do aeroporto ó hotel déronos un pícnic para cear, pois eran as tres da mañá e non coméramos nada. Máis tarde, nos dirixímos ós nosos bungalows; Nazaret e eu puxémonos xuntas na mesma habitación. Íamos fixándonos moito, pois nos enteramos de que nese hotel tiveran un problema de cascudas aínda que nós non o críamos de todo. Cando chegamos á nosa habitación, no primeiro armario que abrimos había un bote moi grande de matacascudas, o que nos fixo moita gracia.
Os días seguintes á chegada dedicámolos a coñecer a illa: índo á praia do Inglés, ó centro de ocio, ó parque de atraccións (un pouco cutre, por certo) e a visitar os pobos. Polas noites saiamos ás discotecas da zona e descubrimos unha que nos gustou moito, que por certo, quixemos levar ás nosas profesoras e déron a volta cando viron o ambiente, pois alí ó baixar do taxi que nos traía do hotel, viñan correndo centos de chicos ofrecéndonos que entráramos no seu local a cambio duns chupitos gratis. As profesoras preferiron voltar ós bungalows e esperarnos alí para cando chegáramos avisalas, pois todos os días que saiamos, tiñamos que regresar a unha hora determinada e pasar polos bungalows delas para saber que chegáramos. Os últimos días pasámolos tomando o sol na piscina do hotel e bañándonos. A verdade é que o pasamos moi ben e gustaríanos volver a repetilo!!

A nosa viaxe de fin de curso

2007-02-01T12:58:00.000Z

O día 22 de Marzo imos realizar unha viaxe de fin de curso co noso instituto á praia do Inglés, en Canarias.
Esta saída durará unha semana, na que faremos excursións opcionais como ir nun catamarán a nadar cos golfiños e baleas, montar en dromedario, ir visitar os pobos dos arredores, etc.
En realidade a nós gustaríanos máis ir a Barcelona, pero a maioría das persoas dicían que saía demasiado caro.
¡Aínda así pasarémolo moi ben!

Actividade Audiovisual

2007-01-22T10:12:00.000Z

A semana pasada iniciamos unha actividade moi entretida acompañada dun monitor. Consistía nun proxecto promovido polo Consorcio Audiovisual de Galicia no salón de actos do noso instituto . A actividade transcorreu en sete sesións nas que destacamos sobre todo os tipos de planos que aparecen nunha película: plano xeral, plano medio, plano tres cuartos e plano detalle.
O que máis nos gustou foi facer historias con fotos de revistas e así poder ver de forma máis directa os diferentes planos que hai e como se monta unha historia.
Aínda que o proxecto xa rematou quédanos unha saída pendente ó cine a ver unha película en galego.

Presentación

2006-11-16T12:51:00.000Z

Ola! Benvidos ao noso blog: de todo un pouco.
Como podedes observar, este blog será compartido por dúas persoas: Sonia e eu, Nazaret. Decidimos facelo xuntas porque nos gusta moito traballar en grupo e pareceunos interesante compartir ideas e que vós as poidades compartir connosco. Ademais non nos supuxo ningún problema porque os nosos gustos son moi semellantes: os animais, a música ou o cine.
Cabe destacar que a iniciativa de facer este blog a tivo o noso profesor de lingua galega e de técnicas de expresión escrita: Xoán.